საქართველოს პრემიერ-მინისტრის ირაკლი ღარიბაშვილის განცხადებით, ლარის კურსის ვარდნაში საგანგაშო არაფერია. ამის შესახებ პრემიერმა „რუსთავი 2"- ის ეთერში გადაცემა „პოზიციაში" სტუმრობისას განაცხადა.
„ექსპერტების შეფასებით, არავითარი საგანგაშო ლარის კურსის მცირე ვარდნასთან დაკავშირებით არ არის. ლარის კურსის ვარდნა ჩვენ გასულ წლებშიც გვინახავს. ამაზე ბუნებრივია, არავინ საუბრობდა, რადგან „ნაციონალური მოძრაობა" ამაზე კომენტირებას არ მოახდენდა, მაგრამ ბოლო დროს, ჩვენ გაქვს ეკონომიკის სერიოზული გაჯანსაღება. ამას ხედავენ საერთაშორისო სავალუტო ფონდის წარმომადგენლები, მსოფლიო ბანკი და ა.შ. მომავალი წლის ზრდის მაჩვენებელი 5%-ზე გვაქვს გათვლილი, რაც არის ძალიან რეალური, რასაც ადასტურებენ საერთაშორისო სავალუტო ფონდის წარმომადგენლები, მსოფლიო ბანკი და სხვა საერთაშორისო კომპეტენტური ორგანიზაციები და ექსპერტები", - განაცხადა მან.
