ისრაელის ხელისუფლებამ 26 პალესტინელი პატიმარი გაათავისუფლა. ინფორმაციას ამის შესახებ "ბიბისი" ავრცელებს. გათავისუფლებული პატიმრები პალესტინის მეთაურმა მაჰმუდ აბასმა რამალაში, საკუთარ რეზიდენციაში მიიღო. მან განაცხადა, რომ ისრაელის ციხეებში მყოფი დანარჩენი პატიმრების გათავისუფლებასაც მიაღწევს. 

პალესტინელების გათავისუფლება აშშ-ის შუამდგომლობით მიღწეული შეთანხმებით მოხდა, რომელმაც ხელი შეუწყო პალესტინა-ისრაელის სამშვიდობო მოლაპარაკებების დაწყებას. 

გათავისუფლებული პალესტინელი პატიმრები დადანაშაულებული იყვნენ მკვლელობებსა და თავდასხმებში 1993 წელს, ოსლოს შეთანხმებამდე. საპატიმროებში მათ 19-დან 28 წლამდე გაატარეს.