ევროკავშირის თავმჯდომარეობა საბერძნეთმა გადაიბარა და მომავალი ექვსი თვის განმავლობაში უხელმძღვანელებს. ამ დრომდე ევროკავშირის თავმჯდომარე ლიტვა გახლდათ.
საბერძნეთის მთავრობის განცხადებით, ევროკავშირის უმთავრესი ამოცანა მათი თავმჯდომარეობის პერიოდში ევროპული ეკონომიკის ყოველმხრივი რეფორმირება, რომელიც მიმართული იქნება საყოველთაო უმუშევრობის წინააღმდეგ და ახალი სამუშაო ადგილების შესაქმნელად. ამასთან დაკავშირებით ევროკავშირმა 2012 წლის ივნისში საგანგებო პაქტი მიიღო.
პრიორიტეტად დასახელდა ევროპაში ეკონომიკური და სავალუტო კავშირის გაღრმავება. მათ შორის საუბარია მოლაპარაკებების გაგრძელებაზე სრულმასშტაბიანი საბანკო კავშირის შექმნაზე, რომელიც ბანკების საქმიანობაზე კონტროლს გაამკაცრებს.
პრიორიტეტია ასევე არალეგალური მიგრაციის შემცირება. ასევე, საზღვაო თემა გახდეს გამჭოლი საკითხი ევროკავშირში. ეკონომიკასთან დაკავშირებით გაკეთებული განცხადებების მიუხედავად, ამ ქვეყნის ეკონომიკა კვლავაც რჩება ევროკავშირის სუსტ წერტილად, რაც ართულებს კრიზისის დაძლევის გზებს.
ქვეყნისთვის დამატებით დატვირთვას შეიძენს ევროპარლამენტის არჩევნები, რომელიც 2014 წლის მაისშია დაგეგმილი.
