რუსული სააგენტოს „ლენტა რუს" მიერ გავრცელებული ინფორმაციით აშშ რუსეთს სოჭის ოლიპიადაზე ტერორიზმთან ბრძოლაში დაეხმარება.

„პენტაგონის ლიდერმა ჩაკ ჰეიგელმა 4 იანვარს განაცხადა, რომ აშშ მზად არის რუსეთს სოჭის ოლიმპიადაზე მოსალოდნელ ტერორისტული აქტების თავიდან აიცლებაში დაეხმაროს".  - ასევე იუწყება სააგენტო „ინტერფაქსი."

აშშ-ს სურვილის შესახებ, რომ რუსეთს ტერორიზმთან ბრძოლაში დახმარებას აღმოუჩენს  ჩაკ  ჰეიგელმა რუსეთის თავდაცვის მინისტრს სერგეი შოიგს სატელეფნო საუბრისას გაუმხილა. თავდაცვის სამინისტროში განაცხადეს, რომ აღნიშნული სატელეფონო საუბარი აშშ-ს ინიციატივით მოხდა.

„ჰეიგელმა ვოლგოგრადში განხორცილებულ  ტერაქტებთან დაკავშირებით მწუხარება გამოთქვა და რუსეთის თავდაცვის მინისტრთან სამომავლო  საბრძოლო ურთიერთობებზეც ისაუბრა."- წერს სააგენტო.  

სოჭის ოლიმპიური თამაშები 7 თებერვლიდან 23 თებერვლამდე ჩატარდება, ხოლო პარაოლიპიური თამაშები  7 თებერვლიდან 23 მარტამდე გაიმართება.

(მოამზადა თეონა რამაზაშვილმა)