საქართველოს ეროვნული ბანკის პრეზიდენტი, გიორგი ქადაგიძე რჩეულიშვილების ოჯახის ბრალდებებს უსაფუძვლოს უწოდებს. როგორც ქადაგიძემ ჟურნალისტებს სასტუმრო "რედისონში" განუცხადა , ის ამ ბრალდებებზე კომენტარს არ გააკეთებს. "ამაზე კომენტარიც კი სასაცილოა. თუ რატომ ასახელებს ჩემს გვარს, ეს ვახტანგ რჩეულიშვილს უნდა ჰკითხოთ", - განაცხადა გიორგი ქადაგიძემ. შეგახსენებთ, „ცენტრ პოინტის“ საქმესთან დაკავშირებით, ვახტანგ რჩეულიშვილმა განაცხადა, რომ კომპანიის მართვის აქციების "დექსუსისთვის" გადაცემა გიორგი ქადაგიძის, გიგი უგულავას და ზურაბ ადეიშვილის უშუალო ჩარევითა და იძულებით მოხდა.