პროტესტი ოპერაში - ზაქარია ფალიაშვილის ოპერისა და ბალეტის თეატრის შემოქმედებითი დასი სამხატვრო ხელმძღვანელის, გიორგი ჟორდანიას თანამდებობიდან გადადგომამდე რეპეტიციებში მონაწილეობას არ აპირებს.

ამ თემასთან დაკავშირებით შეხვედრა კულტურის სამინისტროში დღეს გაიმართება.

დასში გიორგი ჟორდანიასთან დაკავშირებით აზრი ორად იყოფა. სოლისტების უმრავლესობა გიორგი ჟორდანიას უნიჭო ხელმძღვანელად მიიჩნევს და მის გადადგომას ითხოვს.

ოპერის თეატრის მთავარი დირიჟორი ჯანლუკა მარჩიანო კი კატეგორიულად უარყოფს გავრცელებულ ინფორმაციას მისი თეატრის ხელმძღვანელად შესაძლო დანიშვნის შესახებ. როგორც მარჩიანო აცხადებს,  მას საამისოდ არც დრო და არც სურვილი არ აქვს.