მსოფლიოს წარსულში არაერთი ცნობილი წინასწარმეტყველი ჰყოლია მათი ჩანაწერები დღემდე აქტუალურობას არ კარგავს. ადამიანთა რასის განვითარების, ტექნოლოგიური მიღწევებისა და დედამიწის ევოლუციის შესახებ არა ერთი გამოჩენილი წინასწარმეტყველი საუბრობდა. მათ შორის არის ბოსტონის უნივერსიტეტის ბიოქიმიის პროფესორი, ფანტასტიკის ჟანრის მწერალი აიზეკ აზიმოვი. 1964 წელს მან იწინასწარმეტყველა, თუ როგორი იქნებოდა სამყარო 2014 წელს, ანუ ნახევარი საუკუნის შემდეგ. ყველაზე საინტერესო კი ის არის, რომ ბევრ რამეში აზიმოვი მართალი აღმოჩნდა.
გთავაზობთ ამონარიდებს აზიმოვის ნააზრევიდან:
1. სახლები, ძირითადად, მიწისქვეშა იქნება, რაც უზრუნველყოფს მათ სითბოს ზამთარში და სიგრილეს - ზაფხულში...
2. ტოსტერები, ავტომატური ყავის მადუღარები, სწრაფმხარშავი ქვაბები - კერძი ტაიმერით მომზადდება. თუმცა პატარა სამზარეულო დარჩება, რადგან კულინარია ბევრისთვის მხოლოდ გატაცება იქნება...
3. იქნება ბევრი კომპიუტერი რობოტის "ტვინით", მაგრამ მას მაინც ადამიანი მართავს...
4. კინოფილმები სამგანზომილებიანი იქნება, 3D ფორმატში ...
5. ტექნიკას აღარ დასჭირდება ელექტროსადენი - ყველაფერი ბატარეებსა და აკუმულატორებზე იმუშავებს...
6. ტელეფონები პორტატული იქნება, მათ ეკრანებს კი დოკუმენტებისა და ფოტოების შესასწავლად, წიგნების წასაკითხად გამოიყენებენ. კავშირი თანამგზავრით დამყარდება...
7. საქონლისა თუ მასალის მიწოდებას პნევმატური ფოსტა უზრუნველყოფს...
8. 2014 წლისთვის უპილოტო ხომალდები მარსს მიაღწევენ. შემუშავდება მარსის კოლონიის პროგრამა...
9. დედამიწის მოსახლეობის რაოდენობა 6,5 მილიარდს მიაღწევს ...
10. სასკოლო პროცესის მამოძრავებელი კომპიუტერული დისციპლინები იქნება...
11. კაცობრიობა მოწყენილობისგან დაიტანჯება, ამიტომაც ფსიქიატრია ყველაზე საჭირო სამედიცინო დისციპლინა იქნება...
აიზეკ აზიმოვის თავდაპირველი სახელი ისააკი იყო, მაგრამ ვინაიდან იგი ინგლისურენოვანი საზოგადო მოღვაწე იყო, ამიტომ დამკვიდრდა მისი სახელის ინგლისური ვერსია აიზეკი.
აზიმოვი მთელს მსოფლიოში ყველაზე ნაყოფიერ მწერლად ითვლება.
მას მიეკუთვნება მოთხრობა რომლის მიხედვით გადაიღეს ცნობილი ფილმი მე,რობოტი.
(მოამზადა თეონა რამაზაშვილმა)
