თანაინვესტირების ფონდის ხელმძღვანელმა გიორგი ბაჩიაშვილმა განაცხადა, რომ ფონდმა 1,1 მილიარდი დოლარის ღირებულების 10 პროექტი დაამტკიცა. მისი განმარტებით, ძირითადად პროექტები ენერგეტიკის სფეროში ჭარბობს, თუმცა რამდენიმე პროექტია უძრავ ქონებაში, ტურიზმსა და სოფლის მეურნეობაში.

ხელმძღვანელის ინფორმაციით,  თანხის 60% ენერგეტიკულ სექტორზე ნაწილდება, 20-20% კი უძრავ ქონებაზე, ტურიზმსა და სოფლის მეურნეობაზე. საუბარია დასავლეთ საქართველოში რძის გადამამუშავებელი ქარხნის მშენებლობაზე, რომლის პროექტის ღირებულება 50 მილიონი დოლარია.

"ჯამში საუბარია 1,1 მილიარდი დოლარის ინვესტიციაზე საქართველოს ეკონომიკაში", - განაცხადა ბაჩიაშვილმა.