22 იანვარს, ფილარმონიაში, თემურ წიკლაურის საიუბილეო კონცერტი და ვარსკვლავის გახსნის ცერემონიალი   გაიმართება.

როგორც თემურ წიკლაური ambebi.ge-სთან საუბრისას აღნიშნავს, მისი ვარსკვავის გახსნა დათო ოქიტაშვილმა  6-7 წლის წინაც შესთავაზა, თუმცა, მაშინ უარი თქვა.

„ვარსკვლავთბიჭუნა უნდა გავხდე. დათო ოქიტაშვილმა ამის გაკეთება 6-7 წლის წინ შემომთავაზა, მაგრამ არავითარი სურვილი არ მქონდა, ასე ადრე "ქვა დამედო". ბატონი დავითი შესანიშნავი ადამიანი და მეგობარია. მერე ეს ყველაფერი ისეთი ფორმით მომაწოდა, უარი აღარც მე ვუთხარი, რომ იმ კოჰორტასთან ერთად, რაც ფილარმონიის შესასვლელთან ქვაშია გამოხატული, ჩემთვისაც მოინახოს ადგილი. დაე, ხალხმა იაროს ჩემზე, რამეთუ, ამ შემთხვევაში, ჩემი გული, არსი, გონი და სხეული ხალხს განეკუთვნება, სული - უფალს", - აღნიშნავს თემურ წიკლაური.

(მოამზადა დიანა ლიპარტელიანმა)