დევნილები სექტემბრიდან თბილისში, ახალ ბინებს მიიღებენ.  ყვარლის ქუჩაზე  88 ბინის სარებილიტაციო სამუშაოები მიმდინარეობს. დევნილთა და განსახლების სამინისტრომ, ბინების განაწილებისთვის სპეციალური განაცხადების მიღება უკვე დაიწყო.

საქართველოს ოკუპირებული ტერიტორიებიდან დევნილთა, ლტოლვილთა და განსახლების მინისტრი, დავით დარახველიძე ყვარლის ქუჩაზე იმყოფებოდა და მიმდინარე მშენებლობა დაათვალიერა.

„ეს არის მასშტაბური მშენებლობა. სამუშაოები მისაღები ხარისხით მიმდინარეობს, 15 სექტემბრისათვის ყველაფერი დასრულებულ სახეს მიიღებს."-აცხადებს დარახველიძე.