ახალქალაქში, მოქალაქემ საბრძოლო მასალა და ვაზნები ნებაყოფლობით ჩააბარა.ინფორმაციას ამის შესახებ შინაგან საქმეთა სამინისტრო ავრცელებს.

„შსს-ს სამცხე-ჯავახეთის სამხარეო მთავარ სამმართველოში ახალქალაქის რაიონის სოფელ არაგვაში მცხოვრებმა, 1986 წელს დაბადებულმა არტაკ გ-მ ნებაყოფლობით წარმოადგინა და ჩააბარა: ერთლულიანი სანადირო თოფი გადაჭრილი ლულით, სხვადასხვა კალიბრის 318 საბრძოლო ვაზნა, 3 მსხვილკალიბრიანი ვაზნა და ,,ეფ-1“-ის ტიპის 4 ხელყუმბარა.

გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ფაქტზე მიმდინარეობს (სსსკ-ის 236-ე მუხლის 1-ლი ნაწილით).“-ნათქვამია უწყების მიერ გავრცელებულ განცხადებაში.