მსოფლიოს 10 ყველაზე დაბინძურებული ქალაქების ჩამონათვალს აქვეყნებს ამერიკული ეკოლოგიის ფონდი. ეს არის ადგილები, სადაც ყველაზე მეტი ავადმყოფობა იჩენს თავს.

დაბინძურებული ქალაქების ჩამონათვალში პირველ ადგილზე ჩერნობილია. 1986 წლის 26 აპრილს მომხდარი ატომური სადგურის აფეთქების შედეგად რადიაციით დაავადებულთა რიცხვი, 5 მილიონ ნახევარს შეადგენს.

ქალაქი სუმგაითი დიდი ნავთობქიმიური საწარმოებით არის ცნობილი. აქ ხშირად იბადებიან ბავშვები გენეტიკური დარღვევებით და გონებრივი ჩამორჩენილობით.

ინდოეთის ქალაქი ვაპი - სამრეწველო კომპლექსი, სადაც მაცხოვრებლების უმეტესობა სხვადასხვა ქრონიკული დაავადებებით იტანჯება. 

ტიანჟინი - ეს არის ჩინეთის ერთ-ერთი ყველაზე დიდი სამრეწველო ცენტრი, სადაც ტყვიის შემცველობა ამ ტერიტორიაზე აღებულ მოსავალშიც კი 24-ჯერ აღემატება საჭირო ნორმას.

ინდოეთის ქალაქი სუკინდა - აქ მსოფლიოში ყველაზე უდიდესი ქრომის მაღაროებია განთავსებული. ქალაქში მოსახლეობის 90 პროცენტი კიბოთია დაავადებული.

რუსეთის ყველაზე დაბინძურებული ქალაქი არის ნორილსკი. ქალაქში მძიმე ლითონების გადამამუშავებელი საწარმოებია განთავსებული. მოსახლეობის უმეტესობა მძიმე რესპირატორულ დაავადებას უმკლავდება. რუსეთის ამ ქალაქში უცხოელებს 2001 წლიდან შესვლა აეკრძალათ. ზამთარში აქ ხშირად შავი თოვლი მოდის.

ჩინეთის ქალაქი ლინფინი - ამ ტერიტორიაზე ქვანახშირს აწარმოებენ და მოსახლეობის უმეტესობა დაავადებულია პნევმონიით, კიბოთი, ფილტვებისა და ბრონქების დაავადებით. 

პერუს ქალაქ  ლა-ოროინაში, 35 ათასიანი მოსახლეობის 95 პროცენტი დაავადებულია. ამ ტერიტორიაზე განლაგებულია ამერიკული ქარხნები. აქ მოსული წვიმა მჟავას შეიცავს.

ზამბიის დედაქალაქ კაბვეში ტყვიასა და თუთიას მოიპოვებენ. მოსახლეობის უმეტესობა განიცდის თირკმელებისა და კუნთების ატროფიას, ასევე სისხლის დაავადებას.

ჩამონათვალში არის რუსეთის მეორე ქალაქიც - ძერჟინსკი. ამ ქალაქში გასულ საუკუნეში ტონობით ქიმიური ნარჩენები დამარხეს. მოსახლეობის სიცოცხლის ხანგრძლივობა  საშუალოდ 45 წელს შეადგენს.

(მოამზადა ანა ნოდიამ)