ადვოკადი გელა ნიკოლაიშვილი  კადიევთან დაკავშირებით საქართველოსა და რუსეთს შორის შესაძლო მოლაპარაკებებზე საუბრობს. უფლებადამცველის განმარტებით ქართულმა მხარემ კადიევი შესაძლოა რუსეთს გადასცეს. „სასამართლოს დღევანდელი გადაწყვეტილების შემდეგ შემიძლია ვივარაუდო, რომ კადიევის გადაცემასთან დაკავშირებით მოლაპარაკებები დაწყებულია. კადიევის რუსეთისთვის გადაცემა კანონდარღვევაა, მას უკვე შეტანილი აქვს განცხადება ლტოლვილთა და განსახლების სამინისტროში ლტოლვილის სტატუსის მისაღებად, დღეს კი მას ლტოლვილის მაძიებლის სტატუსი აქვს, კანონის მიხედვით კი ამ სტატუსის მქონე პირის სხვა ქვეყნისთვის გადაცემა არ შეიძლება"-განუცხადა გელა ნიკოლაიშვილა „რეპორტიორს".

ოფიციალური ინფომრაციით 1982 წლეს დაბადებული მიკაელ კადიევი  დაღესტნელი მარალჩინოსანის ალიმ სულთან ალხამოვის მკვლელობაში თანამზრახველობისთვის იძებნება. ალიმ სულთან ალხამოვი მოსკოვში მივლინებაში ყოფნისას 2009 წლის 27 სექტემბერს მოკლეს.  მას სახლთან შეიარაღებული 5 კაციანი ჯგუფი ელოდებოდა, რომლებმაც ალხამოვს ცეცხლი გაუხსენს და  ის ადგილზევე გარდაიცვალა.  ბოროტმოქმედთა ჯგუფის ერთი წევრი სამართალდამცველებმა დააკავეს, დაანარჩენმა ოთხმა კი დამალვა შეძლო. როგორცა გელა ნიკოლაიშვილიმა „რეპორტიორს" განუმარტა, რუსი სამართალდამცველების მიერ წაყენებული ბრალდება უსაფუძვლოა, რადგან ალიმ სულთან ალხამოვის მკვლეობის დღეს, 27 სექტემბერს კადიევი დაღესტანში იმყოფებოდა.