ჟურნალ „სარკესთან“ ინტერვიუში მსახიობი გიორგი ვარდოსანიძე და სალომე ჭაჭუა უახლოეს მომავალში ჯვრისწერაზე საუბრობენ. მას შემდეგ რაც გიორგიმ ბანკიდან კრედიტი გამოიტანა და ბინა იყიდა, წყვილი ახალი წლის შემდეგ ერთად ცხოვრობს.

წყვილი პროექტ „ცეკვავენ ვარსკვლავების“ დროს დაახლოვდა. გიორგი და სალომე ერთად ცეკვავდნენ, თუმცა როგორც გიორგი აღნიშნავს, მათ შორის მაშინ მხოლოდ მეგობრობა იყო. მისი თქმით, ორივე - ისიც და სალომეც ეცადნენ, ადამიანებთან, რომელთანაც იმ დროს სიყვარული აკავშირებდათ, ცივილურად მოქცეულიყვნენ და ყველაფერი უმტკივნეულოდ დაესრულებინათ.

(მოამზადა ლილუ მიროტაძემ)