როდესაც 6 წლის ფინელმა გოგონამ საშობაოდ წერილი ღმერთს მისწერა, წერილი მისამართით „ბატონო ღმერთო“ წაიკითხა ფინეთის მაშინდელმა პრეზიდენტმა ურჰო კალევა კეკონენმა, რომელიც 1958-1982 წლებში მართავდა ქვეყანას.

ამის მიზეზი კი ის იყო, რომ ფინეთში, „არასწორი მისამართის“ მქონე წერილების გახსნის უფლება მხოლოდ რესპუბლიკის პრეზიდენტს აქვს. წერილში გოგონა ღმერთს სთხოვდა, 100 მარკა ეჩუქებინა მისთვის. წერილის წაკითხვის შემდეგ, პრეზიდენტმა გადაწყვიტა შეესრულებინა ბავშვის თხოვნა, თუმცა ჩათვალა, რომ ასეთი პატარა ბავშვისთვის 100 მარკა მეტისმეტად ბევრი იყო და ბრძანა, ხელგასთვის მისი ავტომობილით 50 მარკა გაეგზავნათ და თან „წერილი ღმერთისგან“.

მალე, კანცელარიაში ისევ მიიღეს წერილი პატარა ხელგასგან, სადაც ბავშვი წერდა ღმერთს, რომ მას ფული მიუტანეს პრეზიდენტის ავტომობილით, რამაც დიდი აჟიოტაჟი გამოიწვია მის ქუჩაზე და ასევე, სთხოვდა ღმერთს, აღარასოდეს გაეგზავნა ვინმესთვის ფული პრეზიდენტის ხელით, იმიტომ რომ პრეზიდენტმა ფულის ნახევარი მოიპარა.

(მოამზადა ლილუ მიროტაძემ)