კომპანია „იმიჯ-ცენტრის" ორგანიზებით, „ტოიოტა ცენტრ თბილისში" „მის საქართველო 2013"-ს ფინალისტები და მთავარი პრიზი უკვე წარადგინეს.

წელს გამარჯვებული „მის საქართველო" მთავარ პრიზად მიიღებს „ტოიოტა ცენტრი თბილისი"-ის მიერ დაწესებულ ახალ „Toyota RAV4"-ს.

შერჩეული 28 გოგონა აქტიურად ემზადება დასკვინთი ღონისძიებისთვის, რომელიც დაგეგმილია 26 იანვარს „იმედის" სტუდიის მეოთხე პავილონში, სადაც კონკურსანტები იბრძოლებენ „მის საქართველო 2013"-ის ტიტულისთვის.

პროექტის მოსამზადებელი ეტაპის ფარგლებში დაგეგმილია სხვადასხვა ღონისძიებები. კონკურსანტები ფიზიკურ მომზადებას გადიან სპორტ-კომპლექს „არენა"-ში. მათ ჩაუტარდათ ფოტოგადაღება კიკალა-სტუდიოში. ფინალისტების გარეგნობაზე ზრუნავს სალონების ქსელი „მელანჟი". მათ ჩაცმულობას უზრუნველყოფენ მოდის სახლი „მარიონელა" და შუზ-კაფე „მადონა".

წარმომადგენლობითი ჟიური დაასახელებს ნომინაციებში გამარჯვებულებს, ტოპ ათეულს, ვიცე მისებს  და რა თქმა უნდა, კონკურსის გამარჯვებულს „მის საქართველო 2013"-ს.