ხვალ, კონსერვატორიის დიდ დარბაზში ზაქარია ფალიაშვილის სახელობის ოპერისა და ბალეტის თეატრი წარმოადგენს ჯუზეპე ვერდის ოპერის პრემიერას „ბედის ძალა“. საპრემიერო წარმოდგენები 2 თებერვალსაც გაიმართება.

ამ ოპერის სრული ვერსია პირველად სრულდება საქართველოში. ოპერის თეატრის გუნდსა და სიმფონიურ ორკესტრს თეატრის მთავარი დირიჟორი  ჯანლუკა მარჩანო უდირიჟორებს.

მთავარ პარტიებს იმღერებენ თეატრის სოლისტები: ტარიელ ჭიჭინაძე, ნიკოლოზ ლაგვილავა, არმაზ დარაშვილი, ელენა პუტილოვა, ირინე რატიანი, არმაზ დარაშვილი,  თეა დემურიშვილი, ვახტანგ ჯაშიაშვილი, ლეგი იმედაშვილი, ირაკლი მურჯიკნელი, გოჩა დათუსანი-ჯიღაური, ვანო გალუაშვილი, ზაალ ხელაია.