რადიო „აფხაზეთის ხმაში“ გუშინ გამოქვეყნებულ ინფორმაციას აფხაზეთის ლეგიტიმური მთავრობის სამეგრელო-ზემო სვანეთის წარმომადგენლობაში პასუხობენ.
Livepress.ge-ს ინფორმაციით, უწყებაში განმარტავენ, რომ გამოქვეყნებული ინფორმაცია არასწორია და ოკუპირებული გალის რაიონის სოფელ რეჩხის ქართული ეკლესიიდან აფხაზებმა ქართული საღვთისმეტყველო ლიტერატურა ჯერ კიდევ ნახევარი წლის წინ გაიტანეს. აფხაზეთის მთავრობის წარმომადგენლობის პრესსამსახურის თანამშრომლის ხათუნა გუჩუას განცხადებით, ტაძარი ნახევარ წელზე მეტია დახურულია და წირვა-ლოცვა არც რუსულ და არც ქართულ ენებზე არ მიმდინარეობს.
გუშინ რადიო „აფხაზეთის ხმამ“ გაავრცელა ინფორმაცია, რომ აფხაზეთის დე-ფაქტო მთავრობას რეჩხის ეკლესიიდან ლიტერატურის გატანა სურდა, თუმცა ამის საშუალება ადგილობრივებმა არ მისცეს.
(მოამზადა ლილუ მიროტაძემ)
