გორის „დილამ"  „ევროპა ლიგის" მესამე საკვალიფიკაციო ეტაპის პირველი შეხვედრა  სპლიტში, ადგილობრივი ჰაიდუკის წინააღმდეგ მინიმალური ანგარიშით მოიგო. გიორგი დევდარიანის შეგირდებმა ხორვატიის ერთ-ერთი ყველაზე ტიტულოვანი კლუბი გიორგი ილურიძის 24-ე წუთზე გატანილი ერთადერთი გოლის წყალობით დაამარცხეს და „ევროპა ლიგის" ჯგუფურ ეტაპზე მოხვედრისკენ უდიდესი ნაბიჯი გადადგეს. განმეორებით შეხვედრაში გორელები იგორ ტუდორის შეგირდებს თბილისში, 8 აგვისტოს, მიხეილ მესხის სახელობის სტადიონზე უმასპინძლებენ.