გეგუთის ციხეში გარდაცვლილია პატიმრის, ლევან კორტავას მკვლელობის საქმის მასალებიდან ირკვევა, რომ სასჯელაღსრულების დაწესებულების უსაფრთხოების განყოფილების ინსპექტორი ილია შანშაშვილი პასუხისმგებლობის თავიდან აცილების მიზნით გამოძიების მცდარ კვალზე დაყენებას ცდილობდა. მან სასჯელაღსრულების დაწესებულების რამდენიმე თანამშრომელთან ერთად მტკიცებულებათა ფალსიფიკაცია ჩაიდინა. „მსჯავრდებულის დაშავების ფაქტზე მიმდინარე გამოძიების ფარგლებში, შემთხვევის ადგილის დათვალიერების მიზნით მისულ გამომძიებელს განზრახ არასწორად მიუთითა ლევან კორტავას სხეულის დაზიანების ადგილი და განუცხადა, რომ ლევან კორტავამ დაზიანებები მიიღო მეორე სართულის კიბიდან დაგორების შედეგად, რაც რეალობას არ შეესაბამებოდა. ამგვარად, საგამოძიებო მოქმედების - შემთხვევის ადგილის დათვალიერების ოქმზე ხელმოწერით ილია შანშაშვილმა მტკიცებულების ფალსიფიკაციის გზით მცდარ კვალზე დააყენა გამოძიება"-აღნიშნულია პროკურატურის მიერ გავრცელებულ განცხადებაში.
