სასჯელაღსრულების № 17 დაწესებულებაში 12 მსჯავრდებულს პროფესიული მომზადების დამადასტურებელი სერტიფიკატები გადაეცათ.
სასჯელაღსრულების, პრობაციისა და იურიდიული დახმარების საკითხთა სამინისტროს ინფორმაციით, მსჯავრდებულებმა სერტიფიკატები საბუღალტრო საქმის, IT-სა და ინგლისური ენის კურსების გავლის შედეგად მიიღეს.
მსჯავრდებულებს სერტიფიკატები სასჯელაღსრულების, პრობაციისა და იურიდიული დახმარების საკითხთა მინისტრის მოადგილემ, სოფიო ჯაფარიძემ და თბილისის სახელმწიფო უნივერსიტეტის რექტორმა, ალექსანდრე კვიტაშვილმა გადასცეს.
სასჯელაღსრულების მე-17 დაწესებულებაში, პროფესიული გადამზადების პროგრამა სამინისტროსა და თბილისის სახელმწიფო უნივერსიტეტს შორის გაფორმებული მემორანდუმის საფუძველზე ხორციელდება.
პროგრამის მიზანი მსჯავრდებულების გათავისუფლებისთვის მომზადება, რესოციალიზაცია და დასაქმების შესაძლებლობის ზრდაა.
პროფესიული გადამზადების კურსები მსჯავრდებულებისთვის მომავალი სასწავლო წლიდან განახლდება და სასჯელაღსრულების სხვა დაწესებულებებსაც მოიცავს.
