საერთაშორისო უფლებადამცველმა ორგანიზაციამ „რეპორტიორები საზღვრებს გარეშე" პრესის თავისუფლების ყოველწლიური  ინდექსი გამოაქვეყნა, რომლის მიხედვითაც საქართველო ჩვიდმეტი საფეხურით დაწინაურდა და 67-ე ადგილზე გადმოინაცვლა. კვლევის ავტორებმა ამის მიზეზად საქართველოში მშვიდობიანად ჩატარებული საპრეზიდენტო არჩევნები და შემცირებულ დაძაბულობა დაასახელეს.

ამავე კვლევის მიხედვით, სიტყვის თავისუფლება ყველაზე მეტად  თურქმენეთში, ერიტრიეში,  ჩრდილოეთ კორეასა და სირიაში ირღვევა. რუსეთი კი პრესის თავისუფლების ინდექსის მიხედვით მალაიზიასა და ფილიპინების გვერდით 148-ე ადგილს იკავებს.

პრესის თავისუფლების მიხედვით ფინეთი, ნიდერლანდი და ნორვეგია ლიდერობენ.