„რუსთავი 2“-ში სიტუაცია იძაბება“, - ამ სათაურით აქვეყნებს სტატიას გაზეთი „ალია“. როგორც გაზეთს კონფიდენციალური წყარო უყვება, ტელეკომპანიაში ორი დაპირისპირებული ჯგუფი ყალიბდება, რომელთაგან ერთი „საზოგადოებრივი მაუწყებლიდან“ გაშვებული ეკა კვესიტაძის მისვლას ეწინააღმდეგება. 

თანამშრომლების აზრით, თუ კვესიტაძე „რუსთავი 2“-ში დაიწყებს მუშაობას, გამოდის, ამ არხს მთლიანად „ნაციონალური მოძრაობა“ აკონტროლებსო, მაგრამ ვერ ტოვებენ ტელევიზიას ხელფასის ხათრით. მეორე მხარეს არის ნიკა გვარამია, თავისი ხალხით.

„ამ ეტაპზე კვესიტაძეს სთავაზობენ, დავით კიკალიშვილის გადაცემა „პოსტსკრიპტუმში“ პოლიტიკურ ბლოკს გაუძღვეს და შემდგომში არ არის გამორიცხული, კიკალიშვილი საერთოდ გაუშვან. სხვათაშორის, კიკალიშვილს არხის დატოვების შანსი რამდენიმეჯერ ჰქონდა და ერთი პერიოდი გადაცემის დახურვის საკითხიც იდგა დღის წერსიგში, მაგრამ სტაჟიანმა ჟურნალისტმა მაინც მოახერხა გამოძრომა. როდესაც ინგა გრიგოლია „ტვ 3“-დან „იმედში“ გადავიდა, თავისი პროდიუსერის, ნოდარ მელაძის წაყვანაც უნდოდა, მაგრამ ბადრი პატარკაციშვილის ოჯახმა თავის გაიგიჟა, ეგ ცანცარა „ნაციონალი“ თვალით არ დაგვანახოთო. ახლა მელაძეს „რუსთავი-2“-ზე მოუწევს პროდიუსერობა. სწორედ ამიტომაა, რომ კვესიტაძე-მელაძისა და შემდგომში, შესაძლოა, დავით პაიჭაძის მოსვლა ამ არხზე თანამშრომლების ერთი ნაწილის უკმაყოფილებას იწვევს. საზოგადოებაში ჩნდება მოსაზრებები, რომ „რუსთავი 2“ უკვე ძალიან დიდი საშიშროებას წარმოადგენს მიხეილ სააკაშვილის ხელში და არ არის გამორიცხული, მალე ის ყოფილ მფლობელებს დაუბრუნდეთ. ყოველ შემთხვევაში ამაზე საუბრები პარლამენტის კულუარებში უკვე მიდის“, - წერს „ალია“.

წყაროსვე ცნობით, საააკაშვილი მოთმინებით ელოდება როგორ განვითარდება მოვლენები ადგილობრივი თვითმმართვლეობის არჩევნებში. თუ „ნაცმოძრაობამ“ „რესპუბლიკელებთან“ გარიგებით ხმების მნიშვნელოვანი ნაწილის აღება შეძლო და თბილისის საკრებულოშიც გაიყვანა თავისი ხალხი, მაშინ უფრო გაუიოლდება პროვოკაციების მოწყობა, თუ არა და მაინც აპირებს რევანშის აღებას. აი, სწორედ ამ რევანშისთვის სჭირდება სააკაშვილს „რუსთავი 2“, ხოლო შემდეგ სხვა არხების მოსყიდვა.

წყარო: გაზეთი „ალია“