„ვლაქერნობის“ კვირეულის ფარგლებში, ზუგდიდში, დადიანების სასახლის ეზოში, ქართული საგალობლებისა და ხალხური სიმღერის ფესტივალი გაიმართა. მასში საქართველოს მასშტაბით მოღვაწე ფოლკლორულმა ანსამბლებმა და მგალობელთა გუნდებმა მიიღეს მონაწილეობა. როგორც ზუგდიდის გამგეობის საზოგადოებასთან ურთიერთობის სამსახურის ხელმძღვანელმა მაია ღურწკაიამ განაცხადა, ღონისძიება წელს პირველად ტარდება და ამიერიდან ტრადიციულ სახეს მიიღებს. ფეტსივალზე იმყოფებოდა საქართველოს ფოლკლორის სახელმწიფო ცენტრის დირექტორი გიორგი უშიკიშვილიც, რომელმაც ადგილობრივ ანსამბლ „ოდოიასთან“ ერთად რამდენიმე სიმღერა შეასრულა.