იენის უნივერსიტეტის ფსიქოლოგებმა დაადგინეს, რომ ტვინი ლამაზზე მეტად ულამაზო სახეებს იმახსოვრებს. მათ შემდეგი სახის ექსპერიმენტი ჩაატარეს: ადამიანებს რამდენიმე ფოტოალბომი დაათვალიერებინეს, სადაც ძალიან ლამაზი და არამიმზიდველი ადამიანების პორტრეტები იყო წარმოდგენილი. რამდენიმე ხნის შემდეგ ექსპერიმენტში მონაწილეებმა მხოლოდ ის ფოტოსურათები ამოიცნეს, სადაც არამიმზიდველი, მაგრამ სახასიათო ნაკვთების მქონე ადამიანები იყვნენ გადაღებულნი.

როგორც ფსიქოლოგებმა განაცხადეს, ამ ექსპერიმენტმა მთლიანად შეცვალა აქამდე გავრცელებული მოსაზრება იმის შესახებ, რომ ლამაზი ადამიანების დამახსოვრება უფრო ადვილია. 

(მოამზადა რუსუდან ჯაბანიშვილმა)