„ხალხი გაუსაძლის დღეშია, ნამუსაყრილი და გაუპატიურებულია, ახალი მთავრობა კი ჯერჯერობით არაფერს აკეთებს, რომ სამართალი აღდგეს"- განაცხადა „რეპორტიორთან" საუბარში პუბლიცისტმა ირაკლი კაკაბაძემ. მისი თქმით, „ქართულ ოცნებასა" და  „ნაცებს" შორის კორუფციული გარიგებაა - „ჯერ სიმართლე არ გაგვიგია, ვინ მოკლა ზურაბ ჟვანია,  რა მოხდა 7 ნოემბერს, 26 მაისს... არ გახსნილა სანდრო გირგვლიანის, ვაზაგაშვილის, ბუტა რობაქიძის საქმეები...  ეს ყველაფერი მაფიქრებინებს, რომ „ქართულ ოცნებასა" და „ნაცებს" შორის კორუფციული გარიგებაა, თუმცა ბატონი ბიძინას იმედი ჯერ კიდევ მაქვს" - აღნიშნა კაკაბაძემ

მისივე თქმით, თუ მდგომარეობა არ გამოსწორდება, ხალხი სხვა ძალებს მიმართავს და საერთო სახალხო აჯანყება დაიწყება - „ხალხს ყელში აქვს ამოსული „კოცნაბიტაცია"! სამართლის აღდგენას ველოდებით! ხელისუფლებას  დრო კიდევ აქვს სამართლიანობა აღადგინოს. თუ ბიძინა ივანიშვილის მთავრობის მიერ  რადიკალური ნაბიჯები არ გადაიდგმება,  არ არის გამორიცხული, იანვრის ბოლოს ხალხი ქუჩაში გამოვიდეს"  - განაცხადა კაკაბაძემ