პრეზიდენტობის კანდიდატისთვის NDI-ის გამოკითხვების შედეგები საინტერესო მაჩვენებელია.
"მე მუდმივად ვეცნობი გამოკითხვებს. ანალოგიურ გამოკითხვებს ატარებს IRI, ტარდება ინტერნეტში, გაზეთებში, "კვირის პალიტრაში" არის ხოლმე გამოკითხვები, ბუნებრივია, ეს ძალიან საინტერესოა. რა მაჩვენებელიც არ უნდა მენახა, ჩემთვის ეს იქნებოდა მოტივაცია, ბევრად უფრო აქტიური მუშაობისთვის და კამპანიის აქტიური დაწყებისათვის. საარჩევნო კამპანია ჯერ დაწყებული არ არის, შესაბამისად, ნებისმიერი მაჩვენებელი სტიმულის მომცემია", - აღნიშნა მარგველასვილმა „რუსთავი 2“-ის პირდაპირ ეთერში საუბრისას.
რაც შეეხება "ქართული ოცნების" რეიტინგის კლებას - "წარსულში სულ სხვა გარემო იყო, არ იყო თავისუფალი ველი. ის ხალხი, ვინც იკითხებოდა, იყო სხვა ველი. ძნელია დღეს ამ სტატისტიკაზე დაფუძნებით მსჯელობა. ყველა იმ კომპანიასთან, რომელიც გამოკითხვებს აწარმოებს, მაქვს ხოლმე ჩემი შესწორება", - განაცხადა მარგველაშვილმა.
შეგახსენებთ, რომ NDI-ის გამოკითხვების მიხედვით „ქართული ოცნების“ საპრეზიდენტო კანიდდატს მხარი გამოკითხულთა 29%-მა დაუჭირა.
