აქციის მონაწილეები დღეს თბილისი-ბათუმის მაგისტრალის ქობულეთის მონაკვეთს გადაკეტავენ. როგორც უფლებადამცველი თამაზ ბაკურიძე აცხადებს, აქციაში მონაწილეობას გეგმავენ ბათუმის, ფოთის, ქუთაისის და თბილისის დაზარალებული ჯგუფები.

მისი თქმით, პირველ ქალაქად ქობულეთი იმიტომ შეირჩა, რომ ქობულეთში დაპირდა წინასაარჩევნოდ ბიძინა ივანიშვილი ქობულეთელებს, რომ მას უკვე მზად ჰქონდა პროექტი, თუ როგორ უნდა დახმარებოდა ხალხს, რათა არც ერთი მხარე არ დარჩენილიყო დაზარალებული.

ბაკურიძის თქმითვე, არჩევნების შემდეგ პრემიერ-მინისტრმა ტელევიზიით განაცხადა, რომ ქობულეთში თითქმის გადაწყვეტილია იპოთეკური და საბანკო დავალიანებების მქონე ოჯახებისთვის სათანადო დახმარების გაწევა, თუმცა დღემდე არაფერია ამ კუთხით გაკეთებული.