„ რუსული საზოგადოება სამხრეთ ოსეთისა  და აფხაზეთის დამოუკიდებლობას აღიარებს"- ამ სათაურით წერს რუსული სააგენტო „news mail "-ი სტატიას, სადაც  ოკუპირებული ტერიტორიების მიმართ რუსული ხალხის დამოკიდებულება  სტატისტიკურად არის მოცემული.  

„რუსული საზოგადოების უმეტესი ნაწილი დარწმუნებულია, რომ აფხაზეთი და სამხრეთ ოსეთი დამოუკიდბებელი უნდა იყოს. აცხადებს სოციოლოგიური გამოკითხვის სააგენტო  „ლევადა-ცენტრი." საზოგადოების ნაწილი მიიჩნევს, რომ აღნიშნული ტერიტორიების სუვერენიტეტის აღიარებამ რუსეთს არც სარგებელი მოუტანა და არც ზარალი.  ამავე დროს, საზოგადოება საქართველოს მიმართ კარგად არის განწყობილი."-ნათქვამია სტატიაში.  

სტატიის მიხედვით, რუსეთის მოსახლეობის 9%, მიიჩნევს რომ აღნიშნული ტერიტორიული ერთეულები საქართველოს შემადგენლობაში უნდა იყოს, 18%-ს გაუჭირდა პასუხის გაცემა, ხოლო გამოკითხულთა 43% სამხრეთ ოსეთისა და აფხაზეთის დამოუკიდებელობას  აღიარებს.   

„ შეგახსენებთ, რომ 2008 წლის რვა აგვისტოს საქართველომ სამხრეთ ოსეთში შეიარაღებული ძალები შეიყვანა,  აღნიშნული ტერიტორიის დასაცავად  რუსეთის სამხედრო ძალები ჩაერთვნენ.  ხუთდღიანი ომის შემდეგ, რუსეთმა სამხრეთ ოსეთისა და აფხაზეთის დამოუკიდებლობა აღიარა.   საპასუხოდ კი  ქართულმა მხარემ რუსეთთან დიპლომატიური კავშირი გაწყვიტა, ხოლო სამხრეთ ოსეთი და აფხაზეთი ოკუპირებულ ტერიტორიებად გამოაცხადა."- იუწყება  სააგენტო.