პრეზიდენტმა, მიხეილ სააკაშვილმა საქართველოს მუსლიმ მოსახლეობას რამადანის დასრულება და და ბაირამის  დღესასწაული დაწყება მიულოცა. განცხადება პრეზიდენტმა facebook-ის ოფიციალურ გვერდზე გააკეთა.

„ძვირფასო თანამემამულენო,მინდა მოგილოცოთ მუსლიმური სამყაროსთვის ერთ-ერთი გამორჩეული, რამაზანის დასრულებისა და ბაირამის დაწყების დღესასწაული. ამ დღეს მსოფლიოს უამრავ ქვეყანაში მუსლიმები ერთთვიანი მარხვის დასრულებას აღნიშნავენ და უკეთესი მომავლისთვის ლოცულობენ. ვუერთდები ამ მნიშვნელოვან დღესასწაულს და ვულოცავ მას საქართველოს მუსლიმ თემს, რომელიც ჩვენი საზოგადოების განუყოფელი და ძვირფასი ნაწილია. გისურვებთ მშვიდობას და კეთილდღეობას თქვენი ოჯახების და ჩვენი სამშობლოს სასიკეთოდ",- აცხადებს პრეზიდენტი.