დღეიდან დიდი მარხვა იწყება. დიდი მარხვა, რომელიც აღდგომამდე შვიდი კვირით ადრე იწყება, განსაკუთრებით მძიმეა. წინასააღდგომო მარხვის პირველ დღებში ტაძრებში წირვა არ აღევლინება, მხოლოდ სპეციალური  ლოცვები და საგალობლები სრულდება.

ორშაბათს, სამშაბათს, ოთხშაბათს და ხუთშაბათს წმინდა ანდრია კრიტელის დიდი კანონი იკითხება. ოთხშაბათს და პარასკევს კი ტაძრებში პირველშეწირულის ლიტურგია სრულდება. პარასკევს საღამოს კი ლოცვაზე წანდილს აკურთხებენ.

წინასააღდგომო მარხვა ქრისტიანებს აღდგომის ბრწყინვალე დღესასწაულისთვის ამზადებს. მათ ამ პერიოდში ლოცვის გაძლიერება ევალებათ.

დიდი მარხვა აღდგომის დღესასწაულზე, 20 აპრილს დასრულდება.