სიმფეროპოლში ტელეკომპანია „იმედის" გადამღებ ჯგუფს ვიდეოკამერა დაუმტვრიეს, ოპერატორს კი ფიზიკური შეურაცხყოფა მიაყენეს. როგორც ტელეკომპანია „იმედის" ჟურნალისტმა, გურამ როგავამ განაცხადა, სიმფეროპოლში, გენერალურ საკონსულოსთან არსებულ სიტუაციას იღებდნენ, როდესაც მოქალაქეების ნაწილმა მათ შეურაცხყოფა მიაყენა.

მისივე თქმით, მოქლაქეები აგრესიულად არიან განწყობილნი როგორც ქართველი, ასევე ზოგადად, უცხოელი ჟურნალისტების მიმართ. ნორმალური მუშაობის საშუალება კი მხოლოდ რუს ჟურნალისტებს აქვთ.