კულტურის სამინისტრო უცხოეთში  ქართული ლიტერატურის წარმოჩენას უფრო აქტიურად გეგმავს.  2014 წელს ლიტერატურის პროგრამის დაფინანსების მიმართულებით ბიუჯეტის მნიშვნელოვანი ზრდა და ქართული ლიტერატურის საზღვარგარეთ პოპულარიზაციის სპეციალური ცენტრის დაარსება იგეგმება. 

მთავარი ამოცანები ქართული ლიტერატურის პოპულარიზაციის ხელშეწყობისათვის უფრო მოქნილი და დეცენტრალიზებული სტრუქტურის შექმნა იქნება, რომელიც სპეციალური ბორდის მიერ იქნება მართული. სწორედ დამოუკიდებელი და პროფესიონალი ექსპერტებით დაკომპლექტებული ბორდი შეიმუშავებს ქართული ლიტერატურის უცხო ენებზე თარგმნისა და პოპულარიზაციის სამუშაო გეგმას, რომელიც მომავალი 3-4 წლის განმავლობაში ქართული ლიტერატურის თარგმანების რაოდენობრივ და ხარისხობრივ შედეგზე იქნება ორიენტირებული.