„რუსეთი თავის ჯართან ერთად ყირიმიდან მოშორდება. როდის მოხდება ეს ღმერთმა უწყის, თუმცა ჩვენ მოვესწრებით ამას", -  ამის შესახებ უკრაინის პატრიარქმა ფილარეტმა ჟურნალისტებთან საუბრისას ბრძანა.

ფილარეტმა აღნიშნა, რომ ეკლესია ნახევარკუნძულზე შექმინილი კონფლიქტის მშვიდობიანი მოგვარებისთვის ლოცულობს. იგი ასევე დასძენს, რომ უკრაინის ყოფილმა პრეზიდენტმა მარცხი მას შემდეგ განიცადა, რაც ეკლესიამ მისი ჯანმრთელობისთვის ლოცვა შეწყვიტა.

„უფალი ამ კონფლიქტის მშვიდობიან მოგვარებაში დაგვეხმარება. ხომ ხედავთ როგორ დამთავრდა უკრაინაში კონფლიქტი? - იანუკოვიჩის გაქცევით. იანუკოვიჩი მაშინ წავიდა, როცა ეკლესიამ იანუკოვიჩის ხელისუფლებისთვის ლოცვა შეწყვიტა . ასე იქნება აქაც. ღმერთისთვის შეუძლებელი არაფერია", - განაცხადა პატრიარქმა.