საქართველოს კულტურისა და ძეგლთა დაცვის სამინისტროს მხარდაჭერით, გერმანულ ენაზე ითარგმნება და გამოიცემა XI-XXI საუკუნის ქართველი ქალი მწერლების ანთოლოგია.

პროექტის ფარგლებში XI-XXI საუკუნეებში მცხოვრები ცნობილი ქართველი საზოგადო მოღვაწეების, მათ შორის დედოფლებისა და სამეფო ოჯახის წარმომადგენლების, ასევე ქართველი ქალი მწერლებისა და პოეტების ნააზრევისა და ლიტერატურული ნიმუშების თარგმანები გაერთიანდება.

პროექტი გერმანელი ქართველოლოგისა და ბერლინის უნივერსიტეტის პროფესორის, წიგნის მთარგმნელი შტეფი ხოტივარი-იუნგერის მიერაა ინიცირებული. წიგნს გამომცემლობა "Shaker" გამოსცემს.