ორი კვირის განმავლობაში, 382 კაციანი, სათანადოდ მომზადებული პერსონალი, კახეთის რეგიონში,  შენობებისა და მათში ფაქტობრივად მცხოვრები ოჯახების სიებს შეადგენს. სტატისტიკის ეროვნული სამსახურის ინფორმაციით, პროცესი 29 ივლისის ჩათვლით გაგრძელდება. შეგახსენებთ, ოჯახების სიების შედგენა 1 ივლისს აჭარა-გურიიდან დაიწყო, ხოლო 2013 წლის ნოემბრიდან საქართველოს სხვა რეგიონებში გაგრძელდება. აღნიშნულ სამუშაოებში დასაქმდება დაახლოებით ოთხი ათასი ადამიანი.  საქართველოს მოსახლეობის საყოველთაო აღწერა 2014 წლის 5-19 ნოემბერს ჩატარდება. ამ მიზნით, 15 ათასამდე პერსონალი შეირჩევა.