ეკონომიკისა და მდგრადი განვითარების მინისტრი გიორგი კვირიკაშვილი სახელმწიფო სამხედრო სამეცნიერო-ტექნიკური ცენტრის „დელტას" ეკონომიკის სამინისტროს შემადგენლობაში გადასვლის შესახებ გავრცელებულ ინფორმაციას გამოეხმაურა და განაცხადა, რომ „დელტას" რეორგანიზაციის პროცესი დასაწყისია და იქ ბევრი რამ შეიცვლება. მან ამის შესახებ მთავრობის სხდომის დაწყებამდე ჟურნალისტებს განუცხადა.
"ეს არის გადაწყვეტილება ჯერ ორგანიზაციის გადმოსვლის თაობაზე, იქ ნაწილი შეიძლება დარჩეს თავდაცვის სამინისტროში, ხოლო ნაწილი, რომელსაც უფრო მეტად ეკონომიკური დატვირთვა აქვს, შეიძლება გადმოვიდეს ეკონომიკის სამინისტროში. ასე, რომ რეორგანიზაციის პროცესი დასაწყისშია და ძალიან ბევრი რამ შეიცვლება იქ", - განაცხადა გიორგი კევირიკაშვილმა.
მისივე განცხადებით, "დელტა" პროფილს არ შეიცვლის და, სავარაუდოდ, ინოვაციების და ახალი ტექნოლოგიების დანერგვაზე მეტი აქცენტი გაკეთდება.
