რობერტ სტურუამ სოციალური ქსელის, „ფეისბუქის" საშუალებით განცხადება გაავრცელა, რომელშიც, სავარაუდოდ, ქვეყნის პრეზიდენტ მიხეილ სააკაშვილზეა საუბარი.
„ნუთუ ვერავინ ურჩევს ჩვენ "ყოფილს", შეეშვას უაზრო გამოსვლებს და უნიჭოდ დადგმულ "ხალხთან" შეხვედრებს, ახალგაზრდა ენთუაზისტ-კომკავშირლების ოვაციების და"ის მაინც მაგარიას" მოსმენას...ნუთუ არავინ არის, ვინც დააშოშმინებს ამ აგონიას, სანამ რაღაც "იმიჯი" მაინც შერჩა უბედურს? თუმცა ოჯახის პატიოსან ქალებს სხვა ეკონომიური პრობლემები აღელვებს, რწმენადაგარგული თანამებრძოლნი კი თვითონ არ იციან რა მოიმოქმედონ - გზააბნეულნი დაბორიალობენ... საბრალო, საბრალო ჩვენი ბიჭი! ერთადერთი იმედიღა შერჩენია, თავისი უნიათობისა და უნიჭობის გამო ჩვენზე იძიოს შური. ვაი, ქართველო!...თუმცა აქ USA გვიშველის ალბათ, უკვე ეშინიათ უცხოეთის - გვიან, ძალიან გვიან მიხვდა სამყარო, როგორ ოსტატურად იცვლის ბოროტება თავის სახეს..."- წერს რობერტ სტურუა.
