რუსული სამხედრო ვერტმფრენი გორის რაიონის სოფელ აძვის თავზე გამოჩნდა. აღნიშნულ ინფორმაციას სააგენტო "ნიუპოსტი" ავრცელებს. ვერტმფრენი ადგილობრივმა მოსახლეობამ დააფიქსირა. მათი თქმით, სოფელთან ახლოს ვერტმფრენები მანამდეც შეუნიშნავთ, თუმცა ამჯერად, სამხედრო ვერტმფრენმა სოფლის შუაგულს ორი დღის წინ გადაუფრინა.

"ბაღში ვმუშაობდი, უცბად გამოჩნდა რუსების ვერტმფრენი, პირდაპირ ჩემს სახლს გადაუფრინა, ძალიან შემეშინდა, ვიფიქრე, რამე უბედურება დაგვატყდა თავს-მეთქი. ჩვენი სოფელი საოკუპაციო ხაზთან მდებარეობს და არავინ გვაქცევს ყურადღებას, ბედის ანაბარად ვართ მიტოვებული. იქნებ ვინმემ მოგვხედოს!" - აცხადებს ადგილობრივი მკვიდრი დოდო კორინთელი.

(მოამზადა ანა ნოდიამ)