„საზოგადოებრივი მაუწყებლის“ ცხრაწევრიანი ბორდიდან ხუთი წევრის შესარჩევად პარლამენტმა კონკურსი გამოაცხადა. მაუწყებლის ბორდის წევრობის მსურველთა განაცხადების მიღება 26 მარტამდე გაგრძელდება. ამის შემდეგ საკონკურსო კომისია პარლამენტისთვის წარსადგენად 15 კანდიდატს შეარჩევს, საიდანაც პარლამენტმა თავის მხრივ, 5 წევრი უნდა შეარჩიოს.

უმრავლესობის წევრ თამარ კორძაიას განცხადებით, პარლამენტი დიდი მცდელობის შემდეგ, სავარაუდოდ, კომისიის წევრებს საბოლოოდ დაამტკიცებს.

„საქართველოს პარლამენტმა კომისიის შემადგენლობა უნდა დაამტკიცოს. დარწმუნებული ვარ, რომ ის მაღალი ხარისხით წარმართავს მთელ ამ პროცესებს. ამასთანავე კომისიის საქმიანობის მიმართ არანაირი შეკითხვები არ არსებობს. იმედს გამოვთქვამ, რომ საქართველოს პარლამენტი დიდი მცდელობს შედეგად საბოლოოდ აარჩევს 5 წევრს. კონკურსი უკვე გამოცხადებულია და საბუთების წარმოდგენის ბოლო ვადაც 26 მარტს დასრულდება“, - აღნიშნა კორძაიამ.