ქართველი მომღერალი ირაკლი ფირცხალავა, რომელიც მოსკოვში მოღვაწეობს პროექტის „Один в один!“-ის ერთ-ერთი კონკურსანტია. 23 მარტის ტურში მომღერალს ქართველი მომღერლის სოსო პავლიაშვილის განსახიერება ხვდა წილად, რომელსაც როგორც ვიდეოშიც ნახავთ, თავი შესანიშნავად გაართვა.

მომღერლის სცენაზე გამოსვლას, რომელიც ვიზაჟისტებისა და დიზაინერების დახმარებით ნამდვილ სოსო პავლიაშვილს მაქსიმალურად დაამსგავსეს, ჟიურის გაკვირვება და ოვაციები მოყვა. ფირცხალავამ მისი სიმღერა „Радовать“ შეასრულა.

პროექტში ფირცხავალავასთან ერთად, რუსული შოუბიზნესის 9 წარმომადგენელი იღებს მონაწილეობას.

(მოამზადა ლილუ მოროტაძემ)