ვიდეორგოლი „Red Castle Productions"-ს ეკუთვნის, რომელმაც მომავალში მსგავსი ტრაგედიების თავიდან ასაცილებლად გადაიღო. მასში ნაჩვენებია, როგორ უნდა მოიქცეს შემთხვევითი გამვლელი, თუ მანქანაში უმეთვალყურეოდ დარჩენილ პატარას ნახავს, ან რა პირველადი დახმარება უნდა გაეწიოს ბავშვს მზის დარტყმის შემდეგ. რაც შეეხება უყურადღებო მშობლებს, მათ ორგანიზაცია ურჩევს, იყვნენ უფრო ფრთხილები და არასოდეს დატოვონ შვილი მანქანაში.

როგორც ვიდეორგოლის ავტორები წერენ, ავტომობილში სიცხისგან მიღებული გულის შეტევით მხოლოდ ამერიკაში 10 დღეში ერთი პატარა იღუპება. 1998 წლიდან დღემდე კი 575 მსგავსი შემთხვევა დაფიქსირდა. დაღუპული ბავშვების უმრავლესობა - 73%, 2 წლამდე ასაკისაა. ისინი აფრთხილებენ მშობლებს, რომ მხოლოდ 15 წუთი გახურებულ მანქანაში მყოფი ბავშვის გადარჩენა, შესაძლოა, დაგვიანებული იყოს. სხეულის ტემპერატურის მატება ჯერ ორგანოების გათიშვას, რამდენიმე წუთში კი, ბავშვის სიკვდილს იწვევს.

(მოამზადა ლილუ მიროტაძემ)