ტელეკომპანია „მეცხრე არხის" დაბრუნების საინიციატივო ჯგუფის წევრები 15:00 საათზე, ბიძინა ივანიშვილის რეზიდენციაში 9 000 მოქალაქის მიერ ხელმოწერილ პეტიციას დატოვებენ. პეტიციაზე ხელმომწერები არხის აღდგენას უჭერენ მხარს.

ხელმოწერების შეგროვება თბილისსა და რამდენიმე რეგიონში 9 დღის განმავლობაში მიმდინარეობდა.

როგორც საინიციატივო ჯგუფის წევრები აცხადებენ, 1-ელ აპრილს პეტიციის წარდგენას სიმბოლური დატვირთვა აქვს, რადგან პირველად „მეცხრე არხმა" მაუწყობლობა 2004 წლის 1-ელ აპრილს შეაჩერა.

ამას გარდა, „მეცხრე არხის" ყოფილი თანამშრომლები ბიძინა ივანიშვილთან შეხვედრასა და მისთვის საკუთარი აზრების გაზიარებას ითხოვენ. თანამშრომლების განცხადებით, არხის ხელახლა ამუშავების შემთხვევაში, ტელეკომპანია „საზოგადოებრივი მაუწყებლის" ფუნქციას შეასრულებს.