რუსული გამოცემა „spletnik.ru“-ს ერთ-ერთი ბლოგერი ქართული სამეფო კარის წარმომადგენლის - პრინცი უგო ბაგრატიონის შესახებ წერს.

„დავათვალიერე მისი სურათები და ძილი დამიფრთხა! მაშინვე დამაინტერსა, სად შეიძლება შეხვდე ასეთ პრინცს. გურამ (უგო) გიორგის ძე ბაგრატიონ-მუხრანელი 1985 წლის 14 თებერვალს დაიბადა. დაქორწინებული არ არის. თუ სწორად მივხვდი, ის საქართვლოს სამეფო ტახტზე რიგით მეორე პრეტენდენტია. უცნობია, რა პროფესიისაა და ამჟამად სად ცხოვრობს. ვფიქრობ, მის შესახებ ინფორმაცია ესპანურ ენაზე უნდა მოძებნოთ.

დაიბადა მადრიდში. უყვარს და იცის საჭმლის მომზადება. როგორც მის ერთ-ერთ ესპანურ ინტერვიუში წავიკითხე, რესტორნის ნაცვლად, ჟურნალისტს სახლში მიიპატიჟებდა. ბავშვობაში ავარიაში მოყვა, რის გამოც, რამდენიმე თვე ინვალიდის ეტლში გაატარა. მიუხედავად იმისა, რომ უგოც და მისი ძმაც ესპანეთში დაიბადნენ და გაიზარდნენ, მისი მამა ყოველთვის ეუბნებოდათ, რომ საქართველოში უნდა დაბრუნებულიყვნენ და ხშირად აჩვენებდა მათ საქართველოს რუკას და საქართველოს ისტორიას უყვებოდა “, - წერს რუსი ბლოგერი და სიმპათიური პრინცის ფოტოგალერეას აქვეყნებს.

(მოამზადა ლილუ მიროტაძემ)