უწმინდესმა და უნეტარესმა ილია II-მ სვეტიცხოველში საზეიმო წირვის დასასრულს აღნიშნა, რომ არ შეიძლება, მცხეთაში მცხოვრები ადამიანი ურწმუნო, მოუნათლავი და ჯვარდაუწერელი იყოს. 

„ის კათალიკოსი, რომელმაც სვეტიცხოველის ტაძარი ააშენა, მცხეთას ისე არ ახსენებდა, რომ „წმინდა" არ დაეყოლებინა. დიდი პასუხისმგებლობა მართებს ყველას, უპირველეს ყოვლისა, სამღვდელოებას, პატრიარქს, რომ ღირსეულად მოვიქცეთ, გავაძლიეროთ ლოცვები, მარხვა. არ შეიძლება, წმინდა ქალაქში ცხოვრობდე და არ ლოცულობდე ძილის წინ და დილით. ეს ყველაფერი აუცილებელია ბედნიერებისთვის", - განაცხადა პატრიარქმა.

შეგახსენებთ, რომ პატრიარქის ინიციატივით, მცხეთას წმინდა ქალაქის ტიტული მიენიჭა.