„ერთიანი ნაციონალური მოძრაობა" საქართველოში არსებულ ეკონომიკურ მაჩვენებელზე განცხადებას ავრცელებს, სადაც აღნიშნავს, რომ ეკონომიკური ზრდის მაჩვენებლი მოსალოდნელზე ბევრად დაბალია.

"2014 წლის წინასწარი შეფასებით, წინა წლის შესაბამის პერიოდთან შედარებით თებერვალში ეკონომიკური ზრდა დაფიქსირდა 5,4 პროცენტი, ხოლო იანვარ-თებერვლის საშუალო რეალურმა ზრდამ 6,7 პროცენტი შეადგინა, რაც განპირობებულია იმით, რომ შარშან, ფაქტობრივად, ეკონომიკა არ იზრდებოდა და შარშანდელი ეკონომიკური ზრდა, მთავრობის დაპირების მიუხედავად, ნაცვლად 6%-ისა იყო - 2,4%. აქვე უნდა აღინიშნოს, რომ სამწუხაროდ, გასული წლის ანალოგიურ მაჩვენებელთან შედარებით შემცირებულია ახლად რეგისტრირებული საწარმოების რაოდენობა..."- აღნიშნულია განცხადებაში.

(მოამზადა თეონა რამაზაშვილმა)