„რეპორტიორის“ პრესკლუბში კინორეჟისორი, პრეზიდენტობის ყოფილი კანდიდატი თამაზ ბიბილური საზოგადოებრივ მაუწყებლის პრობლემებზე საუბრობს.
„ილია ჭავჭავაძე ,როცა ლუარსაბ თათქარიძის კარმიდამოს აღწერს ,ამბობს, ასეთი იმიტომაა, რომ ქართველიაო. ასევეა საზოგადოებრივი მაუწყებლის შემთხვევაშიც.ეს არის მოდერნიზებული სახელმწიფო ტელევიზია, იმიტომ, რომ ქართულია. ისევე, როგორც შევარდნაძის ხელისუფლების დროს, დღესაც მორგებულია ხელისუფლებაზე და ამაში დამნაშავეა ახალი კანონი, რომელიც ძველზე უარესია. ყველაზე დიდი შეცდომა ახალ კანონში არის ის, რომ არ ითვალისწინებენ კოლექტივს, არადა აუცილებელია საბჭოში მინიმუმ სამი წარმომადგენელი იყოს საზოგადოებრივი მაუწყებლიდან. დღეს აქ არიან ლილოს ბაზრობიდან მოსული დილეტანტები,რომლებმაც არ იციან ტელევიზიის სპეციფიკა.“-აცხადებს ბიბილური.
