დედაქალაქის საკრებულოს ფრაქცია „ქართული ოცნება-თბილისელების“ თავმჯდომარის, გულიკო ზუმბაძის თქმით, რადგან პოლიტიკურ სახეს წარმოადგენს, აღდგომის აღნიშვნაც სწორედ ამ ჭრილში უწევს. ზუმბაძე „რეპორტიორთან“ საუბარში აღდგომის შემდგომ მთავრობის გეგმებზე საუბრობს.
„დაცემას ყოველთვის აღდგომა მოსდევს. ეს პერიოდი, რომელიც ახლა გვაქვს საქართველოში ძალიან მნიშვნელოვანია ქვეყნის გაძლიერების, დემოკრატიული ხარისხის მიმართულებით. ზოგჯერ შეიძლება მოეჩვენოს ადამიანს, რომ გარკვეულწილად ქაოსი და უკონტროლობაა, მაგრამ ეს ასე არ არის. ადამიანების ფიქრმა და განცდებმა ახლა იჩინა თავი და უხეშად რომ ვთქვა, „გადახარშვის“ პროცესია. საზოგადოება აიღებს თავის წილ პასუხისმგებლობას, რისი საშუალებაც აქამდე არ ჰქონდა. ჩავატარებთ არჩევნებს, მოიგებს კოალიცია „ქართული ოცნება“ და შემდეგ უკვე ველოდებით ეკონომიკურ ზრდას, რაც ძალიან მნიშვნელოვანია ჩვენი ქვეყნისთვის. ყველას, ოჯახში ეკონომიკურ ძლიერებას და ქვეყანას სიმშვიდეს ვუსურვებ,“- ამბობს ზუმბაძე.
