„შინაგანი რწმენა მაფიქრებინებს, რომ დიდი ზეიმია და ყველა ქრისტიანს ვულოცავ აღდგომას. რწმენა არ დაკარგოთ არასდროს.“- ამბობს „რეპორტიორთან“ საუბარში საპარლამენტო უმრავლესობის წევრი, ზაქარია ქუცნაშვილი.
„მე უნდა ჩავიდე ეთიოპიაში, აფრიკის ცენტრალურ სახელმწიფოში და შევხვდე აფრიკელ ქრისტიანებს. მოგეხსენებათ, ვხელმძღვანელობ მართლმადიდებელ საპარლამენტო ასამბლეაში საქართველოს დელეგაციას და შესაბამისად, მაინტერესებს აფრიკაში მცხოვრები ქრისტიანების მდგომარეობა. ეგვიპტე იყო პირველი ქრისტიანული სახელმწიფო, რომელიც დღეს მუსულმანურია და ბევრ სხვა სახელმწიფოში ანალოგიური პრობლემებია. ძალიან ცუდი მეოჯახე ვარ, ერთადერთი, რითაც შემოიფარგლება ჩემი თანამონაწილეობა წინასააღდგომო მზადებაში, ეს არის ფინანსური ხარჯების გაღება. ასევე, ხანდახან ბაზარში მივყვები მეუღლეს, ტვირთს ვზიდავ.“ - ამბობს ქუცნაშვილი.
