„ახალი მემარჯვენეების“ ლიდრის მანანა ნაჭყებიას ოჯახში აღდგომის დღეს აუცილებლად საზეიმო განწყობა უნდა იყოს. მისი თქმით, იმდენად დიდი დღესასწაულია, რომ სააღდგომო სუფრისთვის კერძების მომზადებასაც კი ვერავის ანდობს.
„ეს ჩემი ოჯახისთვის ერთ-ერთი ყველაზე მნიშვნელოვანი დღესასწაულია. ამიტომ სულ ვცდილობ, რომ საზეიმო ვითარება სუფევდეს. კულინარობა ისედაც მომწონს, ამიტომ ამ დღეს სამზარეულოში მხოლოდ მე ვტრიალებ. ყველა იმ აუცილებელ ატრიბუტიკას ვიცავ, რომელიც ტრადიციულად აღდგომას ახლავს თან. ეს არის დღესასწაული, რომელიც ოჯახსაც აახლოვებს და ის იშვიათი გამონაკლისია, როცა შეგვიძლია ყველა ერთ სუფრასთან დავსხდეთ, მოვიხსენიოთ უფალი, მადლობა ვუთხრათ მას, ვადღეგრძელოთ ჩვენი ოჯახები და მთლიანად საქართველო.
ბრწყინვალე აღდგომის დღესასწაულს გილოცავთ ყველა მართლმადიდებელ ქრისტიანს. გისურვებთ ეკონომიკურად ძლიერ მომავალს, „-ამბობს ნაჭყებია „რეპორტიორთან“ საუბარში.
